"Just yesterday morning, they let me know you were gone.
Suzanne, the plans they made put an end to you.
I walked out this morning and I wrote down this song,
I just can't remember who to send it to??"
James Taylor ke gane ki ye lines jaise mere kanon me guj rahi hai,, Man bahut akela feel ker raha hai.. life ke wo pal jab aap tuta hua mehsus kerte ho, jb aapko apne apno ki jarurat hoti hai, jb life ki koi cheej sahi nahi hoti hai aaj kuch waisa hi mehsus ho raha hai.. To aise me hum kiske paas jate hain?? Bolo?
Hum unke paas jate hain jo kahi bhi ho per jinke paas humesha apke liye waqt hi waqt hota hai. Jo apko judge nahi kerte kabhi.. bas aap jaise hote hain waise hi ban jate hain.. haa main unhi ki baat ker rahi hu jinhe hum dost kehte hain..
Apke apne, aapka pyaar jiske liye aap sab kuch badal dalne ya chod jane ke liye bhi taiyar hote hain wo tak jo nahi ker pate .. wo kam wo nikkame, jan ke dushman dost ker jate hain..
Per kabhi socha hai jo dost apki her mushkilo me apke sath hota hai wahi apse dur chala jaye to?
Etna dur ki ap chah ker bhi kabhi us tak na pahuch paye??
Aise me aap kya karoge??
Kise bulaoge??
Dard uske liye jyada hoga ya fir apne liye??
Uske apse dur jane ka gam hota hai ya fir apne akelepan ke akele jhelne ka gam hota hai??
Wo chala gaya to kaun hoga jo aapki bakbak sunega??
Kaun hoga jisse aap apne gunaah share karenge??
Kaun hoga jo ehsaas dilayega ki pyaar unconditional hota hai??
"I've seen fire and I've seen rain. I've seen sunny days that I thought would never end.
I've seen lonely times when I could not find a friend, but I always thought that I'd see you again..."
Apka pyaar apse kitna bhi kyu na chah le per uska pyaar bhi utna unconditional nahi hota jitna ki ek dost ka! Fir bhi hum un dosto ko duniya ki baki cheejo ke aage bhula deta hain..
Ek waqt ki jbki hum her waqt uske naam kerte hain.. per kuch saalo baad use yaad tak kerna bhul jate hain..
Per fir bhi jb mushkile samne aati hain to kandha hum kiska dhundte hain??
Usi bhulaye hue dost ka jo sab jante hue bhi apke liye humesha waqt nikal leta hai.. jo ye janta hi ki apne use bhula diya uske baad bhi apse aise majak kerta hai jaise abhi bhi college ke wo purane dino me khada ho..
Ma, papa, bhai-behan or apka pyaar bhi jab apko judge kerne lagta hai tb bhi wo dushmano ka dushman apko dam ni lene deta.. apni ulul julul bato se apko tang kerta rehta hai..
Apka her saman uska saman kb ban jata hai pata nahi..
Per aisa kyu hota hai ki etna anokha rishta humare paas maujud hote hue bhi hum dusro rishto ki talash me, unke piche apna sab kuch khone ko taiyar rehte hain?? Us andhi daud me kyi bhul jate hain ki apnapan magne se nahi sirf baatane se milta hai.. Aur ye apnapan sirf dost me hi mil sakta hai.. Aur dost koi bhi ban sakta hai.. apke maa papa bhi apke dost ban sakte hain... bas koi hath to badhaye!!
"Won't you look down upon me, Jesus, You've got to help me make a stand.
You've just got to see me through another day.
My body's aching and my time is at hand and I won't make it any other way..."
Per koi hath aage nahi aata.. sab apne rishto ki maryada ki chadar me es kadar lipate hote hain ki unhe wo dosti ka khulapan kabhi raas nahi aata..
Aise me jo dost ghar ke ander ban sakte the wo kabhi nahi ban pate.. Apka pyaar bhi apne pyaar ke junoon or expectation ki aag me kabhi dosti ka hath aage nahi bada pata..
Aise me kuch nikkame or her tarah se befiker rishte ki shuruaat hoti hai or yahi dosti kehlati hai..
Per jis rishte ke sath hum apne sabse khush or sabse akele pal sath sath bitate hain agar wahi humse chin lage to kya hoga humara? Soch bhi nahi pa rahi ki uske bagair jeena bhi kya jeena hoga??
Akelapan aur bhi akela ho jayega..humse humara raazdar, humara sabse kareebi dushman, humara supporter chin jayega.. Aur etna sab kuch chin jane ke baad mai kaise jee paungi ye mai soch bhi nahi paa rahi..
Aaj mera aisa hi ek rishta hospital ke bed per leta dam tod raha hai.. Aur mai kuch nahi ker pa rahi.. Janti hu ki dosti hi wo rishta hota hai jinme koi vada ya promise nahi hota except eske ki hum humesha sath rahenge no matter what.. Per aaj wo sath chut raha hai.. Mai dua kerne ke siva kuch ni ker pa rahi.. Ek miracle ho jaye bas yahi dil keh raha hai.. Aaj sham tak mai nahi janti thi ki aisa bhi ho jayega.. Jo mere khyalo me nahi aa sakta tha wo dar mere samne hai.. Mera rational dimag jisne miracles per kabhi bharosa nahi kiya, jisne humesha reality ko hi sach mana.. Aaj wo bhi ek miracle ki aas me aasman ko nihare ja raha hai.. Shayad kahi upar baitha hua Khuda meri sun le.. Doctors ne keh diya hai ki ab kuch nahi ho sakta, uske gharwale bhi haar chuke hain per abhi bhi uske dost nahi haare hain.. Bas yahi soch ker chup baithe hain ki shayad wo kameena dost uthega aur kahega ki chalo kal lecture bunk kerte hain..
"I've been walking my mind to an easy time, my back turned towards the sun.
Lord knows when the cold wind blows it'll turn your head around.
Well, there's hours of time on the telephone line to talk about things to come.
Sweet dreams and flying machines in pieces on the ground."
Umeede dhundhla gyi hain per fir bhi abhi baki hain.. Mere dost abhi ruk ja abhi teri bahut jarurat hai mujhe...
"I've seen fire and I've seen rain. I've seen sunny days that I thought would never end.
I've seen lonely times when I could not find a friend,
but I always thought that I'd see you baby, one more time again.."
Per janti hu ki doctor kya kehne wale hain, per main nahi sunana chahti.. Mere dost tum khud uthker kaho na ki ye sb kya bakwaas hai, tum abhi ho, humesha rahoge mere sath.....